नेपाली ब्लगरको आचार संहिता सम्बन्धमा

केहि समय अगाडी नेपाली  ब्लगरको आचार संहिता सार्बजनिक गरिएछ, १० जना ब्लगरको उपस्थितिमा. त्यहाँ सार्बजनिक गरिएका बुंदाहरु छलफलको लागि पहिले ब्लगरहरु सामु प्रस्तुत गरेको मलाई थाहा छैन. यसो हेर्दा दुइ जना ले लेखेर दश जना ब्लगरको बिचमा सार्बजनिक गरेको संहिता अन्यले मान्लान नमान्लान त्यो बेग्लै कुरो हो. ब्लगमा के लेख्ने, कस्तो सामग्री राख्ने भन्ने कुरा व्यक्ति व्यक्तिमा भर पर्ने कुरा हो. कसैले वा कुनै समूह ले यो गर्ने त्यो नगर्ने भनेर साध्य लाग्ला जस्तो लाग्दैन. तर पनि जुन समाज, देशमा बसिन्छ त्यहाको मूल्य मान्यता ब्लग मा पनि झल्कनु पर्छ. अर्को कुरा, ब्लग भन्दा बित्तिकै पत्रकारिता भित्रै घुसाउनु पनि ठिक जस्तो लाग्दैन. ब्लगरहरु केपी र उज्ज्वल ले सार्बजनीक गरेका आचार संहिताका बुँदाहरुमा मेरा आफ्ना कुरा यहा राख्छु.

ब्लगरका रुपमा, म यि तथ्यमा इमान्दार हुनेछु भन्नेमा 
१.ब्लगमा म जे लेख्नेछु त्यसमा इमान्दार र निष्पक्ष हुनेछु
२.ब्लगमा सत्थ तथ्य सामाग्रि मात्र राख्नेमा म सचेत छु
३.ब्लगमा राखिएका सामाग्रिको स्रोत प्रष्ट उल्लेख गर्नेछु।
४. कुनै तथ्य पुष्टी नभएको भए सो बारे प्रष्ट उल्लेख गर्नेछु
बुँदा एक देखि चार सम्म राम्रै छन्. सबैले सके सम्म पहिले देखि नै पालना गरि राखेकै होलान. जसले गर्दैनन् तिनले जानी जानी नगरेका होलान. यी बुँदाहरु ख्याल गर्दा आफ्नै ब्लगको बिस्वसिनियता बढ्छ, आफुले लेखेका कुरा हरु धेरैले पदछन. 


५.व्यक्तिगत स्वार्थमा आधारित सामाग्रिलाई स्थान दिनेछैन। मेरो बारेमा पेजमा आफ्नो पूर्ण विवरण खुलाउने छु।
बुँदा पा*चमा मेरो सहमति छैन. ब्लग लेख्नुका विभिन्न उदेश्य हुन सक्छन. कसैले आफ्नै स्वार्थको लागि लेख्छन भने त्यसमा अरुको आपत्ति हुनु पर्ने कुनै कारण छैन. ब्लगरको पूर्ण बिवरण राख्ने नराख्ने भन्ने पनि स्वबिबेकको कुरो हो. राख्दा राम्रै हुन्छ. 


६.ब्लग सामाग्रि प्रयोजीत हो भने सोबारे प्रष्ट उल्लेख गर्नेछु।
७.विज्ञापनका सामाग्रि ब्लगपोष्टको रुपमा राख्नेछैन, राखिएमा सो सामाग्रि विज्ञापन हो भन्ने उल्लेख गर्नुछु।
बुँदा छ र सात: विज्ञापनको सामग्री राख्दा सो को जानकारी राख्दा पाठकलाई न्याय नै हुन्छ. 


८.पोष्ट भईसकेको सामाग्रिमा कुनै गल्ती भएका जानकारी पाए लगत्तै सकेसम्म चांडो सच्याउनेछु। सच्याउंदा सो अंश पूर्ण रुपमा हटाउनेछैन। हटाउनुपरे, कारण उल्लेख गर्नेछु।
९.सबै प्रकृतीका प्रतिकृयालाई समेट्ने छु। यदी प्रतिकृया सम्पादनको व्यवस्था गरिएको छ भने सो बारे जानकारी दिनेछु।
१०.मानवियतालाई प्राथमिकता दिएर,पिडितलाई थप प्रताडित गर्ने सामाग्रि,दृष्य राख्ने छैन
११.वाक तथा अभिब्यक्ति स्वतन्त्रतालाई सधै सम्मान गर्नेछु।
बुँदा आठ देखि एघार सम्म ठिक छन्. 


ब्लगरको रुपमा जानजान म गर्नेछैन भन्नेमा 
१.पोष्ट गरिसकेको सामाग्रि पूर्ण रुपमा हटाउने वा पूर्ण रुपमा सम्पादन गर्नेछैन।
समय सन्दर्भ परिवर्तन भएमा यस्तो त हुन सक्छा नि. 


२.ब्यक्ति वा संस्थालाई धम्क्याउन ब्लगको प्रयोग गर्नेछैन।
यस्तो त कसैले पनि गर्न हुदैन, ब्लगरले मात्रै हैन. नेपाली  पत्रकारले गर्छन नि (सबैले हैन, केहिले) 


३.राष्ट्रियता,राष्ट्रिय शुरक्षा,धार्मिक सहिष्णुता र सामाजीक मर्यादालार्य खलल पुग्ने सामाग्रि राख्नेछैन
यो पनि कसैले गर्न हुदैन. 


४.यौनजन्य सामाग्रि,बैरभाव बढाउने अभिब्यक्ति र हिंशात्मक सामाग्रिले स्थान पाउनेछैनन
यो पनि सहि हो. 


५.कुनैपनि ब्यक्तिको गोप्य र निजात्मक समाग्रि राख्ने छैन
कति गोप्य कति निजि भन्ने फेरी पनि व्यक्तिगत स्वबिबेक्मा भर गर्ने कुरा हो. 


६.जानजान भाईरस तथा स्पाम र मालवेयर फैलाउने गैर कानुनी काममा संलग्न हुने छैन।
यस्तो त नगरम है. नेपाली ब्लगरको ग्रुप मेल बाट कहिले काही यस्तो आएर हैरान पार्यो भन्या. 


७.स्रोत नखुलाई कसैको पनी सामाग्रि निजि बनाएर पोष्ट गर्ने छैन।
यस्तो चोरी त गर्न भएन नि. 


८.स्रोतब्यक्तिको अनुमतीविना उसको परिचय सार्वजनिक गर्नेछैन।
यो पनि ठिक छ.